विभाजनानंतर हिंगणा (वानाडोंगरी) येथील बाजार समितीला एकूण 1.62 हेक्टर इतकी जागा उपलब्ध झाली आहे. या ठिकाणी सध्या थोक फळे व भाजीपाला बाजार, किरकोळ फळे व भाजीपाला बाजार, गुरे बाजार तसेच धान्य बाजार नियमितपणे भरतो. या बाजारात विविध प्रकारच्या कृषी मालाची खरेदी-विक्री केली जाते. समितीच्या नियमांनुसार कापूस, सोयाबिन, तुअर, उडीद, मुंग, ज्वारी, गहू, सूर्यफुल, चना, जवस, भुईमूग, तांदूळ, मिरची इत्यादी पिके अधिसूचित करण्यात आलेली आहेत. तसेच चिकू, मुळा, पेरू, संत्रा, आंबा, लिंबू, केळी, अनार, टरबूज, कोबी, वांगे, आलू, कांदा, चवळी, मेथी, गाजर यांसारख्या फळे व भाजीपाल्यांचा समावेश आहे.